Angen gofalwyr maeth ar gyfer merch ifanc sy'n caru anifeiliaid (o hydref/gaeaf 2025)

Rydym yn chwilio am deulu llawn cydymdeimlad i ddarparu cartref tawel, strwythuredig a meithringar i ferch ifanc sy'n byw mewn cartref gofal preswyl ar hyn o bryd. Mae hi'n ffynnu mewn amgylcheddau cefnogol a rhagweladwy, lle gall hi gael sylw 1:1, cynhesrwydd emosiynol, a chael ei derbyn.

Mae hi hapusaf pan mae hi gydag anifeiliaid, yn enwedig ceffylau, a byddai'n elwa o gartref lle gall hi barhau i fwynhau'r brwdfrydedd hwn. Pan mae hi o gwmpas ceffylau, mae gwên yn goleuo ei hwyneb. Mae hi'n hynod ofalgar, yn gwirfoddoli'n rheolaidd mewn llochesi anifeiliaid lleol ac yn dangos tosturi mawr.

Mae hi wrth ei bodd yn mynd i'r ysgol, yn nofio, yn gwylio'r teledu a fideos YouTube, yn mynd i'r sinema ac yn treulio amser yn yr awyr agored. Mae hi'n anturus ac nid yw hi'n ofni mynd yn frwnt wrth archwilio! Mae hi hefyd yn mwynhau gweithgareddau creadigol, fel gwallt a harddwch.

Ai chi yw’r teulu iawn?

• Profiad o gefnogi plant ag anghenion cymhleth o ran ymddygiad a/neu ymlyniad.
• Yn gallu darparu cartref tawel, heb lawer o straen, lle mae strwythur a goruchwyliaeth glir.
• Yn gallu darparu cartref lle mai hi yw'r unig blentyn.

Rydym yn argymell dull therapiwtig o rianta, felly'r lleoliad gorau fyddai gydag unigolion profiadol sydd wedi cefnogi plant ag anghenion cymhleth o'r blaen. Os oes gennych chi brofiad, a'ch bod yn gallu cynnig cartref diogel a meithringar, byddem yn falch iawn o glywed gennych.

Mae gen i ddiddordeb